بالكويت،أحد افراد اسرتي الكريمة بالكويت عنده مبدأ قديم اسمه عالج نفسك بنفسك
بمعنى ان صعب جدا جدا انه يروح مستوصف المنطقة او انه يبحث عن استشارة طبية، تمر ايام يتلوى من الالم ولا يذوق طعم النوم بدون ما يكلف نفسه يروح الطبيب، طبعا انا كنت اعتبرها سذاجة وتصرف غير حكيم منه ، بس اخر سالفة صارت لي وضحتلي ليش هالشخص يتعييز يروح الطبيب يكشف عليه
يوم الجمعه اللي طاف وانا قاعد ببيت واحد من الربع ياني الم حاد لا يطاق في الصدر، مسكت نفسي ساعه .. ساعتين .. 3 ساعات الالم كل ماله ويزيد، وصل الالم لمرحلة ان صاحبي حس فيني والح علي ان واحد يكشف علي .. الله خير ما قصر قام يوصلني.. طبعا يومها مستوصف المنطقة مصكر فاظطرينا نروح المركز التخصصي ، دشينا، اخذت رقم وكان المفروض ان طبيبي بغرفة رقم 4... دشيت الغرفة رقم اربعه ما لقيت احد .. نطرت عشر دقايق .. ما يا الدكتور .. قلت خل اطل على الغرفة رقم 3 .. طليت ولا اشوف واحد قاعد عالمكتب بالثلاثينات من عمره.. لابس لبس اقرب الى كونه بيجامة بيت من أي شيء اخر .. ومو لابس الكلينيكال كوت الابيض ولا حاط السماعات
انا واقف عند الباب : السلام عليكم
اهو: وعليكم السلام.. نعم اخوي امر
انا: ما يامر عليك عدو .. انا المفروض ادش على الدكتور بالغرفه رقم 4 بس ماكو احد جنه
اهو : تبي تشوف دكتور ؟
أنا : أي والله
اهو : ليش تبي تشوف دكتور
انا : ابي يكشف علي
طبعا كان مفروض اقوله تتوقع ليش بشوف دكتور؟؟ اصور وياه؟
اهو : زين دش
انا : انت طبيب
اهو : أي نعم .. ليش مو راكب علي؟
انا : لامو عن .. بس استغربت مو لابس البالطو الابيض .. ولا حاط السماعات -وكان مفروض اقوله ولابس بيجامة الله يهداك
قعدت على الكرسي
طبعا انا بيني وبين نفسي قلت يمكن قانون يديد طلع بالديرة يسمح للاطباء بعدم ارتداء البالطو الابيض مثل بريطانييا .. ببريطانيا فقط الطلبة هم من يرتدون البالطو الابيض .. ليس الاطباء .. فهناك اعتقاد سائد عندهم ان البالطو الابيض هو سبب لانتقال بعض انواع البكتيريا مثل الام ار اس ايه المؤدية لبعض الامراض المعدية
اهو : امرني .. شنو فيك
انا : والله دكتور الم حاد جدا في الصدر بدى من من اكثر من 3 ساعات
اهو : وين بالظبط
انا : اهني .. هالمنطقة .. اشرتله تقريبا بنص صدري
اهو : اييي هذا طبيعي انت لانك رياضي ... انت رياضي صح ؟؟
انا : لا والله مع الاسف مو رياضي... اللهم العب كرة من وقت لي وقت
اهو : ايييي عدل عدل ، عيل هذا الالم لانك مو رياضي ، انا بكتب لك شي يخفف الالم
انا : بقلبي اقول ... قول والله ؟؟
اهو : في شي ثاني يا اخ فلان
انا : لا مافي شي ثاني .. بس دكتور بسألك... انت ما سألتني اذا ادخن ولالا .. ما طلبت مني اوصف لك الالم .. ما سألتني اذا فيني ربو...ما سألتني عن أي امراض عائلية ... ما شلت سماعتك تفحصني فيها .. ومع هذا عرفت تشخضني .. عموما مشكور ما تقصر
جان امشي اطلع ...
اهو : اخوي.. نسيت الوصفة
اهو : زين دش
انا : انت طبيب
اهو : أي نعم .. ليش مو راكب علي؟
انا : لامو عن .. بس استغربت مو لابس البالطو الابيض .. ولا حاط السماعات -وكان مفروض اقوله ولابس بيجامة الله يهداك
قعدت على الكرسي
طبعا انا بيني وبين نفسي قلت يمكن قانون يديد طلع بالديرة يسمح للاطباء بعدم ارتداء البالطو الابيض مثل بريطانييا .. ببريطانيا فقط الطلبة هم من يرتدون البالطو الابيض .. ليس الاطباء .. فهناك اعتقاد سائد عندهم ان البالطو الابيض هو سبب لانتقال بعض انواع البكتيريا مثل الام ار اس ايه المؤدية لبعض الامراض المعدية
اهو : امرني .. شنو فيك
انا : والله دكتور الم حاد جدا في الصدر بدى من من اكثر من 3 ساعات
اهو : وين بالظبط
انا : اهني .. هالمنطقة .. اشرتله تقريبا بنص صدري
اهو : اييي هذا طبيعي انت لانك رياضي ... انت رياضي صح ؟؟
انا : لا والله مع الاسف مو رياضي... اللهم العب كرة من وقت لي وقت
اهو : ايييي عدل عدل ، عيل هذا الالم لانك مو رياضي ، انا بكتب لك شي يخفف الالم
انا : بقلبي اقول ... قول والله ؟؟
اهو : في شي ثاني يا اخ فلان
انا : لا مافي شي ثاني .. بس دكتور بسألك... انت ما سألتني اذا ادخن ولالا .. ما طلبت مني اوصف لك الالم .. ما سألتني اذا فيني ربو...ما سألتني عن أي امراض عائلية ... ما شلت سماعتك تفحصني فيها .. ومع هذا عرفت تشخضني .. عموما مشكور ما تقصر
جان امشي اطلع ...
اهو : اخوي.. نسيت الوصفة
الله يالوصفة عاد.. كالعادة بين كيلر
انا : ايي .. مشكور ما قصرت
-----
طبعا اخذت الورقة مني وقطيتها اول ما طلعت
الحين بس اقتنعت بمقولة عالج نفسك بنفسكوعاشوا اطبائنا
30 comments:
زين ما طقك
إلا زين انت اللي ما طقيته
ماكس
لا تستهين بآلام الصدر ولا تعالج نفسك بنفسك
شوف لك دكتور ثاني
لو داهن عمرك ببوفاس و حاط راسك و نايم أبرك، هذا الظاهر دارس طب ليلي و الا معاهد طب طاح حظه أكو منه وايد يا ماكس، اللي خذوا الشهادة شحاطه مو علم و لمنفعة البشر
لي احتجت يوم لدكتور - و الله لا يحوجني و لا يحوج انسان- و صادف انك تفحص علي بقط ورقه الرقم قبل لا ادش مو بعد ما يكتبلي الوصفه
ما تشوف شر
ان شاء الله يكون شي بسيط و لا عسر هضم
اشرايك ادز لك سايق الاسعاف مالنا؟:)
DIY = Do It Yourself
ما تشوف شر يا عزيزي
أكيد حاسدينك... انا أقول لو شايف ملا يقرا عليك أحسن من الدكتور بوبجاما
الله عداك الشر
تصدق يمكن لو ماخذ الدوى جان الحين علوم
كل وصفاتهم غلط
روح حق دكتور عبدالمحسن العبدالرزاق بالإنترناشيونال كلينك
وراح تدعي لي عقب
دكاترة طب العائلة انا مو مقتنع فيهم اروح حق حجي رمضان بقبره وايد احسن منهم
ويه توك تدري
اصلا الواحد مايأمن على نفسه لما يكون بيد دكتور كويتي
طبعا مو الكل عشان لحد يتحلطم
بس الاغلب
هني الناس(اغلبهم) بيصيرون دكاتره عشان جم سبب
-مجبورين..يعني مالهم كلمه جدام اهلهم
-يبون هيبه الدكتور
-يبون معاش
اهم شي انت رياضي
بعدين
اي هذا الم اللي مو رياضي
شهالدكتور
اي نور
اي مو هذا اللي خايف منه انا :(
تقبل الله صيامكم
----
مطقوق
:/
-----
شروق
اي ول ان شالله، بس الواحد ما قام يأمن على روحه عندهم :(
------
بومحمد
اعجبتني طب ليلي :D
جان زين اكو منه تصدق
لا بس صج قهرني يا بو محمد
-----
شذر
بيييه، كل هذا حقد وكراهية ؟ :)
-----
بومريوم
الشر ما يجيييك، انت اللي حمدلله على سلامتك ، سايق اسعافكم؟ لايحوشك يمعود :)
-----
صلاح
الشر ما يجييك يا بو مهدي، انا مستغرب من شغله وحدة بس.. طول فترة اقامتي اليوكي ولا عمري احتجت طبيب والحمدلله، بس بالكويت صحتي تعتل
-----
زوزوتا
الشر ما يجييج
ان شالله نجربه اذا ياتنا نوبة ثانية ، كويتي؟
------
فريج سعود
حجي رمضان رحمة الله عليه كان اسطورة ،محد ورث مهنته؟
------
سنعة
اللي يدش طب للاسباب اللي ذكرتيها فهو ما يفتهم، اللي يبي الفلوس يقدر يدش أسهل التخصصات وأقلها استنزافا للوقت ليحقق عوائد اقتصادية في نصف الوقت الذي تحتاجه للحصول على أقل شهادة في الطب
هذااااا من صجه هالدكتوووور
صاحي !!
انا اتعالج بالصيدليه اشراييييك
ههههههههه
اروح المستوصف بس اخذ طبيه
وما اخذ شي ولا احاجي احد اصلا
من عمايلك السوووده :P
كويتي
بس دكتور فاهم شغله
وانسان بتعامله
ويسمع لك على الراحه
ويفهم حالتك
ويقعد يشرح لك عشان انت تفهم بعد
وعقب ما يكتب لك الدوا
راح يشرح لك هالدوا شنو راح يسوي
يعني تطلع منه وانت عارف شنو حالتك عشان تعرف تساعد نفسك
سلام عليكم
يالله حجي تعيش وتشوف, اهم شي انك عرفت احساس المريض لم الدكتور يكون من هالنوعية, فلاتصير جذي يرحم جدك
سلااام عرجااال
بن ناصر الورد - ليدز الإباء
فطرس :
اشرب حليب كاكاو زين حق آلام الصدر ...
المحامية
زين تسوين، كانوا يقولون لي وايد وما كنت اصدق :(
شذر
:/
الزين
زين والله،لا عيل نحطه على اللستة اكيد ، شوقتينا نشوفه
بن ناضر
كلامك صحييح عزيزي، ورحمة الله جدك رد مرة ثانية :>
فطرس
يا حيالله فطرس، فطرس بعظمته وجلالة قدره مشرفنا ، غريبة :)
حليب كاكاو؟ قتلك الم بالصدر مو حارج الله يهداك :]
حتى الطبيب الشعبي يسألك اذا كان فيك ربو ولا لأ .. يسألك عن التدخين .. عن اعراض الألم
هاهاي... اي والله هاذي من الرياضة... و اذا من رياضة المفروض مو وصفة يعطيك, المفروض يقولك روح سو رياضة
الله يخلي اطبائنا
لو انا منك ولا مااقوله شنو فيني
والله يخلي المستشفيات الخاصه
ولو انه عنبر اخو بلال بس هم احس احسن
امبيه اكو اطباء خبول جذي؟! لووووووووول
لا وقاعد في بيجاما هههههه اخاف مسوين فيك الكامرا الخفية وانته ماتدري لوووول
nuQ6at ne'6am:
http://www.alqabas.com.kw/Article.aspx?id=415254&date=22072008
'3air 9al7 lelnasher !
سلام
اخييه حرام بادباخت والله
صج داوي نفسك بنفسك
وجزن الالم يروح بس
.. تحياطو
اشوه انى ماحب اروح الطبيب
لان وللاسف اغلب الدكاتره سكه مايعرفون شي عن مهنتهم
الله كرييييم
يبه حاول تتحمل الالم ومصيره يروح
وماتشوف شر
نتايج خطأ التشخيص
أو حتى تاخير التشخيص الصح
قد
يدمر أسرة بأكملها
ويعفس حياتهم فوق تحت
وللأسف هذا اللي قاعد يصير بالكويت
مستوى الصحه بالحضيض
وإللي يعتقد إن مستوى القطاع الخاص احسن من الحكومي
غلطااااااااااااان
ما أردى من المربوط إلا المفتلت
عن تجربة مريرة
لازلت أعاني منها ولأكثر من سنة ونص
صدقني صار فيني وسواس لا استمرض بالكويت
ما أدري شبسوي حزتها
حتى لو نشله
الواحد ما يأمن على نفسه!!!ء
3aaadiiiiiiiiiiiiiiii
o eee habeeen yalbesooon scrubs ele chnhom bajayem (o bil alwan ele takh6er 3ala balik) b2ay monasabah o fe ay Qesem fe ay markaz aw mostashfa.. ma3ana el mafrooth bs 7ag el jara7eeen!!! aw etha shghlek fe 6ashar o dam .. la ana as'hal 7ag el tantheef;/
o hal 6abeeb shakla benam o beroo7 el bait o bainah o bain nafsah ygoool a36eek mosaken.. o etha zad el 3awar bacher akeed bered o beshoofa gheeree wetha mat ba3ad youma o allahoma la i3teraaath...
smelah 3alaik 6ab3an;p
o matshoof shar
هاهاهاها صدقت
مشكلة المرضى في الكويت عدم الثقة في الأطباء و تعصبهم الأعمى لكل شئ خاص
على سبيل المثال وصفهم لنفسهم لأدوية تجارية دون تشخيص دقيق للمرض و خذ على ذلك كذبهم الواضح في شرح الأسباب احقيقية للمرض
اشوه اني مو طبيب ;>
صج باب النجار مخلّع p;
لو أنا منّك جان عزمته على قهوة
وفكيت المرضى اللي وراي من عوار
القلب بـ شوفته p;
قـوووول إن شاء الله
ما تنكتب فينا بوستات عقب p;
تحيّة ...
Post a Comment