البارحة، سنحت لي فرصة لمشاهدة فلم عادل امام وعمر الشريف " حسن ومرقص" واللي يعرض الان في دورالعرض
بعيدا عن مستوى الفلم ،فلست متخصصا في النقد السينمائي ،الفلم ذكرني بايميل قديم واصلني قبل حوالي 7 شهور من احد الشباب ،هذا الاخ اللطيف يعانيي ازدواجية غريبة في شخصيته،على ارض الواقع تجده انسانا فالت بمعنى الكلمة، تارك للصلوات، راكب للشهوات، منغمس في الملذات، مطية للنزوات معتكف على المعازف والقينات، اكبر همه لك البطول و الجري وراء الحسناوات، ومبلغ علمه الافساد في السفرات،لكن على الانترنت شخص اخر تماما ،بمعنى اني كل ما افتح ايميلي اظطر افضي ما لا يقل عن 15 الى 20 ايميل ديني من قبل هذا الشخص وكانه يحاول تعويض عقدة صياعته المفرطة والنقص الروحاني اللي فيه بارسال اكبر قدر ممكن من الايميلات الدينية المنقولة ، مادري منو قايله ان هالشي بيدخله الجنة ويكفر عنه ذنوبه، خصوصا ان اغلب هذه الايميلات الدينية المنقولة تكون عناوينها من طقة
ارسلها وسيغفر الله لك ما تقدم وما تاخر من ذنوبك
او
استحلفك بالله ان تقرأ هذا الايميل
ارسلها الى عشرة اشخاص وستسمع خبر يفرحك
او
او ارسلها الى عشر فتيات وسيرزقك بسبعين حورية في الجنة لا هذي من عندي
فالحبيب طايح له دز بهالايميلات واحنا اللي ناكلها
ومن الايميلات اللي رفعت ضغطي اهو هذا اللي وصلني منها قبل شهور وامس تذكرته
------------------
سبحان الله
عرفنا ليش في أكثر أفلامه يتكلم على علماء المسلمين ويستهزئ فيهم ومن بين من أسهزئ فيهم
الشيخ الشعراوي والداعيه عمرو خالد وغيرهم وغير إظهار الملتزم كإرهابي
(ولن ترضى عنك اليهود والنصارى حتى تتبع ملتهم)
او
استحلفك بالله ان تقرأ هذا الايميل
ارسلها الى عشرة اشخاص وستسمع خبر يفرحك
او
او ارسلها الى عشر فتيات وسيرزقك بسبعين حورية في الجنة لا هذي من عندي
فالحبيب طايح له دز بهالايميلات واحنا اللي ناكلها
ومن الايميلات اللي رفعت ضغطي اهو هذا اللي وصلني منها قبل شهور وامس تذكرته
------------------
سبحان الله
عرفنا ليش في أكثر أفلامه يتكلم على علماء المسلمين ويستهزئ فيهم ومن بين من أسهزئ فيهم
الشيخ الشعراوي والداعيه عمرو خالد وغيرهم وغير إظهار الملتزم كإرهابي
(ولن ترضى عنك اليهود والنصارى حتى تتبع ملتهم)
انتهى الايميل
------------------
.
طبعا ما يحتاج نقول ان الصور في هذا الايميل واللي يظهر فيها عادل امام مرتديا زي الاقباط مع الصليب ، ما يحتاج نقول ان الصور مقتطفة من مشاهد فلم حسن ومرقص اللي وقتها كان قاعد يشتغل عليه واللي يؤدي فيه دور القبطي ، لكن كعادة جماعة الربع، وصلت لهم صور مشاهد الفلم ، واستغلوها والفوا عليها وسووها لن ترضى عنك اليهود والنصارى، والناس بكل سذاجة صارت شغالة
Forward
طبعا ما زال الشاب اللطيف يدز ايميلات من هالنوعية، وما زالوا الناس شغالين فرووردات بما فيها هالايميل رغم عرض الفلم ، ومازلت انا وغيري اللي ناكلها
